ރައީސް އޮފީހުން މިރޭ ބުނީ އެ އޮފީހުގެ ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް ފޯ ޓާޝަރީ ހެލްތު ސާވިސަސްގެ މަގާމަށް ގ. ފިނިވިލު، މުހައްމަދު ތޮލާލް އައްޔަން ކުރައްވާފައިވާ ކަމަށެވެ.
ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕޮލިސީ އެންޑް މެނިފެސްޓޯގެ މަގާމަށް މިނިސްޓަރުންގެ ފެންވަރުގައި އައްޔަން ކުރެއްވީ ގދ. ތިނަދޫ ޝިފާ، އަހުމަދު ހަބީބް އެވެ.
އެ ދެ މަގާމަށް ބޭފުޅަކު އައްޔަންކުރެއްވިއިރު ޕޮލިސީ ސެކްރެޓަރީގެ މަގާމު ހުސްވީ އެ މަގާމުގައި ކުރިން ހުންނެވި އަބްދުﷲ ނާޒިމް އިބްރާހިމް އެ މަގާމުން މިއަދު އިސްތިއުފާ ދެއްވުމާ ގުޅިގެންނެވެ.
ކޮމެންޓުތައް