މެލޭޝިއާގެ ބޮޑުވަޒީރު އަންވަރު އިބްރާހީމް ރާއްޖެއަށް މިހާރު ކުރައްވާ ރަސްމީ ދަތުރުގައި ބޭއްވެވި ރަސްމީ މަޝްވަރާތަކަށް ފަހު ދެއްވި ޖޮއިންޓް ޕްރެސް ސްޓޭޓްމެންޓްގައި ރައީސް ވިދާޅުވީ ޓޫރިޒަމަކީ ދެ ގައުމުގެ ރައްޔިތުންގެ ދެމެދުގައި އޮތް "ފާލަމެއް" ކަމަށާއި ޓޫރިޒަމް ކުރިއެރުވުމުގައި އެއްބާރުލުން އިތުރުކުރަން ދެ ގައުމުން އެއްބަސްވި ކަމަށެވެ.
"ޓޫރިޒަމް ކުރިއެރުވުމުގައި އެއްބާރުުލުން އިތުރުކުރަން އަޅުގަނޑުމެން އެއްބަސްވިން، ހަލާލު އިންޑަސްޓްރީ އާއި ކަލްޗަރަލް އިންޑަސްޓްރީ އަދި މުސްލިމް-ފްރެންޑްލީ ޓްރެވެލް [ކުރިއެރުވުމުގައި އެއްބާރުލުން އިތުރުކުރަން ވެސް]،" ރައީސް ވިދާޅުވި އެވެ.
އެ މަނިކުފާނު ވިދާޅުވި ގޮތުގައި އެއް ގައުމުން އަނެއް ގައުމަށް ދަތުރުކުރާ ޓޫރިސްޓުން އިތުރުކުރަން ވެސް މެލޭޝިއާ އާއި ރާއްޖެ ގުޅިގެން މަސައްކަތްކުރާނެ އެވެ. ރައްޔިތުންގެ ގުޅުން ބަދަހިކުރުުމުގެ ފުރުސަތު އިތުރުކޮށް އީކޯ ޓޫރިޒަމް ކުރިއަރުވަން ދެ ގައުމު ގުޅިގެން މަސައްކަތްކުރާނެ ކަމަށް ވެސް އެ މަނިކުފާނު ވިދާޅުވި އެވެ.
ކޮމެންޓުތައް