އެމީހުން ކައިވެނިކޮށްފައި ވަނީ ފްރާންސްގެ ޕްރޮވޯންސް ސަރަހައްދުގައި މިދިޔަ ހޮނިހިރު ދުވަހު ބޭއްވި ހަފުލާއެއްގަ އެވެ.
އެ ކައިވެނީގެ ހަފުލާ ބާއްވާފައި ވަނީ ފްރާންސްގެ ރޯން ކޯރު ކައިރީގައިވާ، 18 ވަނަ ގަރުނުގެ ތާރީހީ ގެއެއް ކަމަށްވާ "ލެ މަސް ދެ ޕުއާރިއޭ"ގަ އެވެ.
ރިޕޯޓްތައް ބުނި ގޮތުގައި، ފީބީ ވަނީ އޭނާގެ މަންމައާ އެކު ކުރިން އެ ސަރަހައްދަށް ޒިޔާރަތްކޮށް، އެތަނުގެ ގުދުރަތީ ރީތިކަމަށް ހިތްޖެހި، ކައިވެނި އެތަނުގައި ބޭއްވުމަށް ރާވައިފަ އެވެ. އެ ހަފުލާގައި ބައިވެރިވެފައި ވަނީ ދެ ފަރާތުގެ އާއިލާގެ އެންމެ ގާތް މީހުންނާއި ރައްޓެހިން އެކަންޏެވެ.
ކައިވެނީގެ ހަފުލާ އޮތީ ވަރަށް އާދައިގެ އަދި ސިއްރު ގޮތަކަށް ނަމަވެސް، ހަފުލާއަށް ފަހު ހާއްސަ ކެއުމަކާއި މިއުޒިކާއި ނެށުމުގެ ހަރަކާތްތަކެއް ބޭއްވި އެވެ.
ކޮމެންޓުތައް