ރާއްޖެ އިސްލާމްވީތާ 900 އަހަރު ފުރުމާ ދިމާކޮށް ބޭއްވި ޒުވާން ހަތީބުންގެ މަހާސިންތާ ނިންމުމުގެ ރަސްމިއްޔާތުގައި ރައީސް ވިދާޅުވީ އިސްލާމް ދީން ކުރިއެރުވުމުގައި ޒުވާނުންގެ ބައިވެރިވުން އިތުރުވަމުން އަންނަ ތަން ފެނުމަކީ އުފަލެއް ކަމަށާއި އެކަމުގައި ޒުވާނުންގެ ރޫހާއި އަޒުމުގައި ދިރުންވާ ކަމަށެވެ.

ރައީސް ވިދާޅުވީ އިލްމަކީ ހިކުމަތްތެރިކަމާ ގުޅިފައިވާ އެއްޗެއް ކަމަށާއި އިލްމަކީ ހަމައެކަނި ފޮތަކުން ލިބޭ އެއްޗެއްގެ ބަދަލުގައި އެތައް ތަޖުރިބާއަކާއި އެހެން އިލްމުތަކުން ލިބޭ އެއްޗެއް ކަމުގައި ވެސް ވެދާނެ ކަމަށެވެ.

އަދި އިލްމް ފޯރުކޮށްދިނުމުގައި ތިމާގެ ދުލާއި ގަލަން ހިނގަންޖެހޭ ހާލަތްތަކާއި ހިނގަން ނުޖެހޭ ހާލަތު ވެސް ހުންނާނެ ކަމަށް ރައީސް މުއިއްޒު ވިދަަޅުވި އެވެ. އަދި ތިމާގެ ދުލާއި ގަލަން ހިނގަން ޖެހޭ ގޮތާއި ނުޖެހޭ ގޮތް ވެސް ހުންނާނެ ކަމަށް ރައީސް ވިދާޅުވި އެވެ

"މިކަންކަން އަންނަނީ ހިކުމަތްތެރިކަމުގެ ތެރެއިން. ހިކުމަތްތެރިކަމާ އެކު ދީނަކީ މަސްލަހަތު،" ރައީސް ވިދާޅުވި އެވެ.